Дүйнө 2018-жылдагыдай болбойт

Дүйнө 2018-жылдагыдай болбойт
8-Янв. 2019, Шейшемби, 10:33

Дүйнөдө жаңырган жылда акча же каржы саясатында эс алуу мезгили болот. Кандай болгон күндө да 2000-жылдардын башынан ушул мезгилге чейинкилерге караганда башкача абал. Анын жыйынтыгында акчанын эң ишенимдүү инвестор же өнүккөн өлкөлөрдүн казынасына багытталары, пайыздарынын жогорулоосу дегенге барабар.

  • Дүйнөлүк экономиканын үч алпы АКШ, Кытай жана Европа биримдигинин экономикаларынын өсүшү жайлайт.
  • Федералдык резерв системасы (FED) пайызды арттырууну жайлатат. Ушундай эле абал Европа борбордук банкында, Япония жана Англиянын борбордук банктарына да тиешелүү. Бул көбүнчө абдан өнүгүп жаткан экономикаларга таасирин тийгизет.
  • АКШда пайыздардын жогорулашы фондулук рыноктогу инвесторлорун, өзгөчө эмгек фонддору сыяктуу инвесторлорду мамлекеттик облигацияларга багыттайт. Баалуу кагаздар рыногунда төмөндөөлөр уланат. Жыйынтыгында орто катмарлар аз киреше табат.
  • Европа араң эле тургансыйт. Банктардын өз булактарында болгон кооптуу облигацияар жалпысынан 104 миллиард еврого жеткен. Төлөнбөгөн дебитордук карыздар жалпысынан 900 миллиард евро болгон. Мунун 350 миллиард евролук бөлүмү италиялыктарга тиешелүү. Европа банк тармагында барган сайын өнөкөткө айланган капитал жеткиликтүүлүгү көйгөйү так чечиле элек. Андан улам 1,5 триллион евролук активге ээ ири банкты же Германиянын Deutchebank кантип куткарып калууга болору талкууда.
  • Англияда март айында “No Brexit” чечими чыкса көбөйгөн экономикалык жана саясий белгисиздик Европа континеттине таасирин тийгизет.
  • Кытайда күн өткөн сайын өскөн реалдуу сектор карыздары экономиканы жайлатат. Мурдагыдай өспөгөндүктөн бул өлкөгө экспорт жайлайт. Буга АКШ-Кытай соода согуштары кошулса экспортчу өлкөлөр жана Кытай үчүн абал бир аз кыйындайт.
  • Мунай бааларындагы төмөндөө экспортчулар үчүн кыйынчылык жаратып импортчуларды сүйүнтөт.
  • Жогорулаган пайыздар жана айрым белгисиздиктер тобокелчиликтерди азайтуу үчүн жасалган “hedging” (камсыздандыруу) каражаттарын көбөйтөт.
  • Дүйнөдөгү коллективдүү лидерлик ордун атаандаш лидерлерге бошотот. Жакындаган глобалдык кризиске биргелешип даярдык көрө турган уюм же эрежелер жок. Бул абал соодада “эркин сооданын” ордун экономикалык улутчулдукка, талаш-тартыштарга жол ачат.

Жыйынтыгында дүйнөдө демократиялык мекемелердин ордун анти демократиялык тартиптегилер алат.

Аймактардагы жаңжалдар жана миграция дүйнөдө саясий тобокелчиликтерди көбөйтүүдө.

Кыскасы кайсы багытта карабайлы дүйнө 2018-жылдагыдай дүйнө болбойт.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!