Трамп: Дубал үчүн 5,7 миллиард доллар талап кылынат

Трамп: Дубал үчүн 5,7 миллиард доллар талап кылынат
10-Янв. 2019, Бейшемби, 14:30

АКШнын президенти Дональд Тармп өкмөттүн жабылганына 18 күн болгондо теле аркылуу кайрылуу жасады. Анда Демократтардан Мексика чек арасына курары пландалган дубалга 5,7 миллиард доллар төлөм талап кылды.

АКШнын түштүк чек арасында кризис болуп жаткандыгын айтканы менен аны чечүүгө кандайдыр бир план сунуштаган жок. Көзөмөлсүз, мыйзамсыз миграциянын айынан бүтүндөй АКШ зыян тартып жатканын айткан Трамп бир гана чечим аймакка дубал куруу экенин баса белгиледи. Ал мыйзамсыз келген мигранттар америкалыктарга зыян алып келип жатканын билдирди.

Демократтар өкмөттүн ачылышын камтыган мыйзам долбоорун кабыл алганына карабастан, федералдык өкмөттү жабык кармаган президент Трамп кризис уланаарын айткансыды.

Телеканалдардын бардыгына түз эфирде сүйлөп, айрым качкын мигранттар өлкөдө себеп болгон түрдүү окуялардан мисал келтирди. Өлкөгө кирүүгө аракеттенгендер өтө кооптуу болушу мүмкүн экенин кошумчалады. Ошондой эле ал дароо бул боюнча аракеттер көрүлбөсө көптөгөн америкалыктар үчүн кыйын болорун айтты.

Демократтарга кысым көрсөтүү аракетти

Трамп 10 мүнөткө созулган сөзүндө “Бир гана чечим демократтар чекарабызды коргогон жана өкмөттүн ачылышын камсыз кылууга жумшаган бюджетти кабыл алуусу”,-деди.

Бул айтылгандарды талдаган АКШ медиасы президент сүйлөп жатканда колдонгон айрым маалыматтар чын экени билинбей калганын жазды.

Трамп элге кайрылуусун Мексика чек арасындагы кризиске байланыштуу жасала турган акыркы кадам катары сыпаттады.

Оппозиция катаал сөздөр менен сынга алды

Трамп чек арада дубал жасалышы керектигин боюнча сунушуна “уятсыздык” деген оппозициялар катуу сөздөр менен сынга алышты. “Уятсыз болгон нерсе саясатчылардын эч бир нерсе жасабагандыгы, жөнөкөй адамдардын кыйналуусуна уруксат берүүсүн улантканы”,-деди.

Трамп 18 күндөн бери жабык болгон федералдык өкмөттүн кайрадан ачылышы үчүн жаңы план сунуштаган жок. Чек аранын 374.4 чакырымдык бир бөлүгү үчүн 5,7 миллард доллар талап кылып, учурдагы чек ара коопсуздугу үчүн жана качкын катары кирүүгө аракет кылган мигранттар үчүн миллиарддаган долларлык төлөмдөрдү төлөөнү талап кылды.

АКШ медиасы Трамптын айткандарын талдады

Трамп Демократтардын чек ара коопсуздугу үчүн кандайдыр бир төлөмдү кабыл албагандыгын айтты. АКШ медиасы Демократтардын ушул учурга чейин болгону чек ара коопсуздугу үчүн 1,3 миллиард долларлык төлөмдү бекиткенин жазды. Медиа Трамптын сөзүндөгү дубалдын чыгымын Мексика менен болгон жаңы соода макулдашуусу түрүндө төлөнөт”,-деген сүйлөмгө орун берди. Бирок Мексика менен болгон акыркы келишимде дубалдын төлөмүнө байланыштуу кандайдыр бир берене жок.
Демократ лидерлер: Трамп Америка элин туткун кылууну токтотушу керек

Өкүлдөр палатасынын президенти Нэнси Пелоси жана Демократтардын сенатору Чак Шумер президенттин айткандарына жооп берди.

Тажрыйбалуу саясатчы Пелоси сөзүндө “Президент Трамп Америка элин барымтага алуунун токтотушу керек. Кризис ойлоп чыгарууну ташташы керек жана өкөмттү кайрадан ачышы керек”,-деди.

Сенатор Шумер өкмөттүн жабык болуусуна жалгыз гана Трампты күнөөлгө болорун айтты.

“Америка демократиясы мындай түрдө иштебейт”,-деген Шумер “Чыр менен башкарган болбойт. Эч бир президент столду ургулап, талаптардан алыстап, миллиондогон адамдарга зыян берип, бул абалды кысымдын куралы катары колдоно албайт”,-деди.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!
КӨП ОКУЛГАНДАР
​Хабиб Москвада Конор менен реваншга чыгууга даяр
​Хабиб Москвада Конор менен реваншга чыгууга даяр
Кыргызстанда балык экспорттоо 10 эсеге жогорулады
Кыргызстанда балык экспорттоо 10 эсеге жогорулады
Тогуз айда 1 миллион тоннадан ашык сүт өндүрүлдү
Тогуз айда 1 миллион тоннадан ашык сүт өндүрүлдү
Баткенде көмүр кымбаттап тоннасы 8.5 миң сом болду
Баткенде көмүр кымбаттап тоннасы 8.5 миң сом болду
Красноярск крайындагы кырсыктан 15 адам көз жумду
Красноярск крайындагы кырсыктан 15 адам көз жумду
​“Реалдын” футболчусу Мессини кумир тутаарын айтты
​“Реалдын” футболчусу Мессини кумир тутаарын айтты
2020-жылы бюджеттин жалпы кирешелерине 163.7 млрд сом каралууда
2020-жылы бюджеттин жалпы кирешелерине 163.7 млрд сом каралууда
Сентябрда өнөр жай продукциясынын көлөмү 26.5 млрд сомду түздү
Сентябрда өнөр жай продукциясынын көлөмү 26.5 млрд сомду түздү
Каба уулу Кожомкул атындагы спорт сарайы оңдолду (сүрөт)
Каба уулу Кожомкул атындагы спорт сарайы оңдолду (сүрөт)
2005-жылы өлгөн лидердин сөөгү эми жерге берилди
2005-жылы өлгөн лидердин сөөгү эми жерге берилди
  Легендарлуу Майкл Джордан ыйлап жиберди
Легендарлуу Майкл Джордан ыйлап жиберди
Аялдардан турган топ космоско аттанды
Аялдардан турган топ космоско аттанды
Абылгазиев:
Абылгазиев:"Профсоюз кызматкерлеринин эмгек акысын көтөрүүгө кезек келди"
Арстан Алайдын “Мен – Кудаймын” деген сөзү боюнча сотко чейинки өндүрүш башталды
Арстан Алайдын “Мен – Кудаймын” деген сөзү боюнча сотко чейинки өндүрүш башталды
​Хабиб сакчылары менен жүрүүгө мажбур болууда
​Хабиб сакчылары менен жүрүүгө мажбур болууда
​Месси: “Мен карьерамды “Барселона” менен аяктайм”
​Месси: “Мен карьерамды “Барселона” менен аяктайм”