Өзүн – өзү башкарган автобустар пайда болду

Өзүн – өзү башкарган автобустар пайда болду
29-Май 2018, Шейшемби, 09:30

Хельсинки шаарынын башчылары алгачкы жолу өзүн-өзү башкарган автобус сатып алды. Автобус Финляндиянын борборунун эң узун көчөсү – «Helsinki Robusline»да сынактан өтүп жатат.

“Жаңы маршрут жайдын башында Кивикко аймагында ишке кошулат. Тестирлөө “акыркы километр” маселесин чечүү жолун көрсөтөт”,- дейт адистер.

«Эгер, үйдөн эң жакын аялдамага чейин алыстык бир километрден алыс болсо, адамдар коомдук унаага эмес жеке автомашиналарын пайдалануусу мүмкүн» -деп тынчсызданат жобо авторлору.

Хельсинкиде айдоочусуз автобустарды сынактан өткөрүүнү «Metropolia» Технологик Университети баштады.Университет «Sohjoa» жобосунун тегерегинде 26-апрелде Сувилахтиде автоматташтырылган чакан автобусту жолго чыгарган эле. Коомдук унаа 3 аялдамага, дүйшөнбүдөн жумага чейин саат 10:00 ден 17:00 ге чейин тургундарды ташып турмакчы.

Ал эми Университеттин адистери көрсөтүлүп жаткан кызматтын сапаты боюнча да сурам-жылоо өткөрүп турмакчы.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!