“Tesla” 4 миң кызматкерди жумуштан чыгарды

“Tesla” 4 миң кызматкерди жумуштан чыгарды
13-Июнь 2018, Шаршемби, 13:43

“Tesla” компаниясы жумушун кайра карап чыгып, 4 миңге жуук кызматкерди жумуштан чыгарат. Бул тууралуу компания башчысы Илон Маск өзү “Business Insider” порталына билдирди.

«Акыркы жылдары “Tesla” компаниясы олуттуу түрдө өстү жана өнүктүү. Ушунун натыйжасында кээ бир кызматкерлер бири-биринин жумушун иштей алгандай даражага жетти. Бирок алар азыр натыйжалуу жумуш көрсөтө албай жатышат. Мурун алардын жардамы болгону жалган эмес. Чыгымды азайтып, компания жумушун кайра карап чыгуунун натыйжасында кызматкерлерибиздин 9 пайызын жумуштан чыгаруу тууралуу чечим чыгардык. Бул оңой болболгон жок», - деп жазган компания башчысы өзүнүн “Twitter”деги баракчасына.

Ал ошондой эле, акыркы 15 жылда “Tesla” компаниясынын жыл сайынкы кирешеден пайда көрбөгөнүн айтты.

“Биз ылдамдатып экологиялык таза энергетикага көчүүнү пландап жатабыз. Бирок киреше жагын көбүрөөк ойлобосок, бул максатыбызга эч качан жетпейбиз», - дейт Маск.

“Business Insider”дин маалыматы боюнча, компания штаты 46 миң кызматкерге эсептелген. Эске сала кетсек, “Tesla Motors” компаниясы 2003-жылы курулган эле.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!