Шведдер кабинасы жок жүк ташуучу унаа чыгарышты

Шведдер кабинасы жок жүк ташуучу унаа чыгарышты
17-Июль 2018, Шейшемби, 11:29

“Einride” стартабы устун ташыганга арналган айдоочусуз электр жүк ташуучу концепцияны сунушташты.

“T-log” устун ташуучу унаанын айырмачылыгы болгону анын кабинасы жок, андыктан анын айдоочу үчүн орун жок дегенди билдирет. Унаа жалаң гана “Nvidia”нын системасы аркылуу башкарылат. Өндүрүүчүнүн айтымы боюнча, төртүнчү деңгээлдеги автономдуулукту камсыз кылат. Жалпысынан бул жүк ташуучу унаанын чыгаруунун себеби, кабинаны жасоо өндүрүүчүлөр үчүн кымбатка турса. Ал эми айдоочулардын жумушу эксплуатациялык чыгымдардын өсүүсүнө алып келүүдө.

“T-log”ду кыймылга электромотор алып келет. Техникалык мүнөздөмөсү азырынча жашыруун бойдон калууда. Белгилүү болгону устун ташууга арналган унаа бир каттамда 16 тоннага чейин жыгач-таш ташый алат. “T-log” бир кубаттандыруу менен-200 км жерди басып өтөт. Унаа таштак жана асфальт төшөлгөн жолдо да бир калыпта эч нерсе сезбей жүрүп кете берет.

“T-log” толугу менен өзүн-өзү башкарган унаа болгону менен кээде адам колу да киришип кетет. Көпчүлүк учурда өзгөчө кырдаал болгондо.

“T-log” жүк ташуучу унаасы менен таныштыруу “Гудвуддагы” ылдамдык фестивалында болду. 2020-жылга карата өндүрүүчүлөр бул унааны колдонууга берүү үчүн уруксат алууну көздөшүүдө. Унаанын баасы азырынча белгисиз.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!