“SpaceX” Айга уча турган туристтин атын атады

“SpaceX” Айга уча турган туристтин атын атады
18-Сен. 2018, Шейшемби, 12:36

Американын космостук компаниясы Айга уча турган биринчи туристти тандады. Ал Айды “Big Falcon Rocket (BFR)” кемеси менен айлынып чыкмакчы. 17-сентябрь күнү болгон пресс-конференцияда компаниянын негиздөөчүсү Илон Маск япониянын миллиардери Юсака Маезава болоорун айтты.

42 жаштагы Маезава – кийим сатуучу “Zozo” интернет-сайтынын негиздөөчүсү жана башчысы. Ал Япониянын топ-20 эң бай жарандарынын катарына кирет. Анын байлыгы 3 млрд. долларды түзөт.

Бизнесмендин билдирүүсү боюнча, космоско учуу анын кыялы болгон. "Акыры “Айга учууга мени тандап алышты” деп айта алам", – деди ал журналисттердин алдында сүйлөп жатып.

Тарыхта Аполлон программасынын алкагында Айга 24 америкалыктар гана учкан. 1972-жылдан бери эч ким Жердин спутнигинен уча элек.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!