Дүйнөдө алгачкы жолу суутек отуну менен жүргөн поезд чыкты

Дүйнөдө алгачкы жолу суутек отуну менен жүргөн поезд чыкты
19-Сен. 2018, Шаршемби, 09:45

Германияда суутек отуну менен жүргөн дүйнөдөгү эң алгачкы поезд “Coradia iLint” тестик режимде сыналат. Бул тууралуу “Deutsche Welle” маалымат булагы билдирет.

Поезд эми төмөнкү Саксония менен Бремен шаарларынын арасында жүрө баштайт.

Суутек отунуна толгон цистерна менен отун элементи поездин төбөсүнө орнотулган. Поезд экологиялык таза болуп эсептелет. Себеби электр тогу айлана-чөйрөгө зыян зыян келтирбеген суутектен бөлүнөт.

Поезд саатына 140 км максималдуу ылдамдык менен жүрөт. “Coradia iLint” бир жолу толтуруп койсо, 1000 км алыстыкты басып өтөт.

Поездди Германиянын Зальцгиттер шаарында франциялык “Alstom” компаниясы даярдап чыгарды.

Үч жылдан кийин дал ушундай 14 поезд туруктуу түрдө рейстерди ээлеп калат деп пландалып жатат. Кийин баардык дизель менен жүрө турган поезддер суутек отуну менен жүргөн поездге алмаштырылат. Системаны жаңылоо үчүн 81,3 млн евро бөлүнгөн.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!