Tesla Кытайга 5 млрд. долларга завод курат

Tesla Кытайга 5 млрд. долларга завод курат
8-Янв. 2019, Шейшемби, 16:11

Электромобиль чыгаруучу Tesla компаниясы Шанхай шаарына жакын жерде ири завод курат. Бул тууралуу аталган компаниянын башчысы Илон Маск өздүк баракчасында билдирген.

Маалыматка караганда, заводду куруунун биринчи этабы 2019-жылдын жай айларында аяктайт. Model 3 электромобилин чыгаруу жылдын аяк чендеринде башталат. Ал эми ишкана 2020-жылы толук кандуу иштей баштайт.

Бул долбоор Tesla компаниясынын жылына 500 миң унаа чыгаруучу чет өлкөдөгү алгачкы заводу болуп калат. Аталган заводду курууга жалпы 5 млрд. доллар жумшалат.

Эскерте кетсек, 2019-жылы электромобилдер каттоо төлөмдөрүнөн бошотулат. Тактап айтканда, Кыргыз өкмөтүнүн 2018-жылы чыгарган токтому 2019-жылдын 31-декабрына чейин күчүн жоготпойт. Электромобилдерге карата бажы алымдарынын жана салыгынын нөлдүк коюму киргизилди. Ал эми гибриддик моторлуу автоунаалардын каттоо төлөмдөрү күйүүчү май менен жүргөн унаалардын төлөмдөрүнөн эки эсе азайтылды.

Президент Сооронбай Жээнбеков 2018-жылы, июндун башында Кытайга мамлекеттик сапары менен барганда электромобил маселесин көтөрүп, биргелешкен завод курууну сунуш кылган.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!