“Cadillac” өзүнүн биринчи электромобилин көрсөттү

“Cadillac” өзүнүн биринчи электромобилин көрсөттү
15-Янв. 2019, Шейшемби, 15:06

“Cadillac” автоконцерни өзүнүн биринчи электромобилинин сүрөтүн жарыялады. Бул тууралуу “Electrek” маалымат булагы билдирет.

Популярдуу компаниянын биринчи электрокары үч катар отургучтары жана футуристикалык дизайны менен кызыгуу тудурмакчы.

Электрокар “Tesla”нын “Model X” жана “Audi e-tron” унааларына атаандаш боло алат.

Моделдин аталышын жана чыга турчу күнү белгисиз бойдон калууда. Белгилей кетсек, унаа чыгаруучу компаниянын жаңы президенти Стивен Карлайл чет өлкөдө бренддин популярдуулугун арттырууну көздөп жатат жана мында электромобиль маанилүү ролду ойнойт.

Буга чейин 2019-жылы “Cadillac” жаңы беш моделди чыгарат деп маалымдалган. Унаа базары седан, купе, жол тандабас жана эки кроссоверге толукталышы мүмкүн.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!