Кыргызстанда балык экспорттоо 10 эсеге жогорулады

Кыргызстанда балык экспорттоо 10 эсеге жогорулады
19-Окт. 2019, Ишемби, 15:34

2019-жылдын 9 айында Кыргызстанда балык жана балык азыктарын экспортко чыгаруу өткөн жылдын ушул мезгилине салыштырганда 10 эсеге жогорулады. Бул тууралуу Мамлекеттик ветеринария жана фитосанитардык коопсуздук инспекциясынан кабарлашты.

Ведомство берген маалыматка таянсак, 2019-жылдын 9 айында экспортко чыгарылган балыктын көлөмү 1 миң 466 тоннаны түздү. Салыштырыш үчүн айтсак, өткөн жылдын 9 айында 145 тонна балык жана балык азыктары экспорттолгон.

Инспекциядан белгилешкендей, Евразиялык экономикалык биримдиктин аймагына балык жана балык продукцияларын Кыргызстандан беш компания экспортко чыгарат.

Белгилей кетсек, буга чейин Россия федерециясына Кыргызстандан чийки эт алып кирбөө тууралуу убактылуу киргизилген чектөө алынды.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!