​Мектептердин 67 пайызы интернетке кошулган

​Мектептердин 67 пайызы интернетке кошулган
24-Сен. 2018, Дүйшөмбү, 12:03

Билим берүү жана илим министрлиги мектептерди 100 пайыз интернетке туташтыруунун үстүндө иштөөдө. Бул тууралуу Билим берүү жана илим министрлигинин басма сөз кызматы билдирди.

Маалыматка караганда, учурда мектептерди интернетке кошуу 67 пайызды түзөт. Калган 693 мектеп окуу жылынын аягына чейин интернетке кошулушу күтүлүүдө.

Өкмөт башчынын тапшырмасына ылайык, Билим берүү жана илим министрлиги Маалыматтык технологиялар жана байланыш мамлекеттик агенттиги менен биргеликте республикадагы мектептерди интернетке 100 пайыз туташтыруу боюнча иш алып барууда.

Ошондой эле ушул жылдан тарта мугалимдерге квалификациясын жогорулатууну жана кайра даярданууну онлайн түрдө жүргүзүү мүмкүнчүлүгү берилди.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!