​Мектепке барбаган балдардын саны кыскарды

​Мектепке барбаган балдардын саны кыскарды
25-Сен. 2018, Шейшемби, 13:21

Кыргызстанда жалпы билим берүү мекемелерине барбаган балдардын саны азайды. Бул тууралуу Билим берүү жана илим министрлигинин маалымат кызматы билдирди.

Маалыматка караганда, 2012-жылы мектепке жалпы 8 миң 329 бала барган эмес. 2018-жылы аталган көрсөткүч 2 миң 177 балага кыскарды.

Мектеп жашындагы балдарды каттоо жыл сайын январь, май, август айларында өткөрүлөт. Августтагы каттоо боюнча 140 миңден ашуун бала катталган. 2 миң 177 бала ар кандай себептер менен мектептеги билим берүүдөн пайдаланбай тургандыгы аныкталган. Алардын 1 миң 545и мектепке кайтарылган.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!