​Балдарга арналган “Экология боюнча китеп” жарыкка чыкты

​Балдарга арналган “Экология боюнча китеп” жарыкка чыкты
25-Янв. 2019, Жума, 11:46

Кыргыз тилинде балдарга арналган “Экология боюнча китеп” аттуу китептин бет ачары болуп өттү. Китептин бет ачары Касымалы Баялинов атындагы республикалык балдар жана жаштар китепканасында Бишкек шаарындагы мектептердин 7-классынын окуучуларынын катышуусу менен биргеликте өттү. Бет ачарда китептин ар бир бөлүмү менен тааныштырылып, китептеги интерактивдүү оюндар менен коштолуп, кызыктуу сынактар өткөрүлдү.

Мамлекеттик тил боюнча улуттук комиссиясынын маалымат катчысы Кутмырза Жакыбалиев китептин балдарга тарбиялык мааниси чоң экендигине жана окуучулардын күнүмдүк жашоосуна пайдалана турган пайдалуу кеңештерге арбын экенине токтолуп өттү. Ошондой эле буга чейин кыргыз тилинде чыккан мындай китептер жок экендигин дагы баса белгилеп кетти.

Бул китеп Кыргыз Республикасындагы Америка Кошмо Штаттарынын элчилигинин котормолор программасынын алкагында англис тилинен кыргыз тилине “Таалим-Форум” коомдук фондусу тарабынан которулуп, 4000 нускада басылып чыккан. Китеп 1061 балдар китепканаларына акысыз таратылат. Мындан тышкары, республикабыздагы экологиялык билим тармагында иш жүргүзгөн мектептердин китепканаларына да берилет.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!