Орус тилине кызыккандар көбөйүүдө

Орус тилине кызыккандар көбөйүүдө
5-Фев. 2019, Шейшемби, 11:02

Билим берүү жана илим министри Гульмира Кудайбердиева Россиянын билим берүү министри Ольга Васильева менен биргеликте “Билим берүү” тармагы боюнча кызматташууну талкуулашты. Бул маалыматты Билим берүү жана илим министрлиги жеке баракчасына кабарлады.

Жолугушуу Гульмира Кудайбердиеванын Москва шаарына болгон иш сапарынын алкагында өттү. Жолугушууда ар тармактан кызматташууну жана билим берүү тармагын жогорулатуу боюнча талкуулашты.

Кыргызстан дайыма Россияны стратегиялык өнөктөш катары эсептеп келген, ошондуктан билим берүү чөйрөсүндө кызматташууга даяр. Атап айтканда, биздин өлкө үчүн математикалык жана илимий билим берүү боюнча, ошондой эле мугалимдердин деңгээлин жогорулатуу кызыктырат” – деп билдирген Гульмира Кудайбердиева.

Ольга Васильева орус тилине кызыккандардын саны көп экенин айтып өттү.

Акыркы жылдары Кыргызстанда орус тилине кызыккандардын саны арбыды, Россиянын билим берүү порталын 37 миңден ашуун адам колдонуп жатат. Акыркы 2 жылдын аралыгында орус тилге кызыккандардын саны 3 эсеге өскөн. Орус тилинен олимпиадаларга катышкан окуучулардын саны 70,200гө жетет” – деп билдирди Ольга Васильева.

Ошондой эле, эмгек мигранттардын балдары үчүн билим берүү аянтчаларын уюштуруу жана мугалимдерди даярдоо үчүн активдүү кызматташуу мүмкүнчүлүгүн талкуулашты. Андан сырткары Кыргызстандын эң мыкты деп аталган 100 окуучу Артекке эс алуу мүмкүнчүлүгү каралды.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!