Ырдоонун ден-соолукка кандай пайдасы бар?

Ырдоонун ден-соолукка кандай пайдасы бар?
15-Май 2018, Шейшемби, 15:49

Ар бир адамдын ар түрдүү хоббиси бар. Ошого байланыштуу, дарыгерлердин «пайдасы бар» дегендерин адатка айланткандын зыяны жок. Мисалы, ырдоо...

1. Бакыт гормону бөлүнөт

Ыр ырдоо мээңизге чоң таасир тйигизет. Себеби ырдаган кезде нерв системасы тынчталып, ырахаттанат. Ошону менен катар, эндорфин гормону бөлүнүп чыгат. Аны «бакыт гормону» деп да аташат. Ал ден-соолугуңуз үчүн маанилүү рол аткарат.

2. Күч-кубатыңызды арттырат

Адам ырдаган кезде күч-кубатка толо түшөт. Маанайыңыз көтөрүлүп, чарчаганыңыз бир заматта басылат.

3. Стрессти жеңет

Ырды ырдоодо сиз стрессти жеңесиз. Хор менен бирге же болбосо ансамбльде ыр ырдаган адамдар өздөрүн ишенимдүү жана ийгиликтүү сезишет.

4. Дем алуу жолдорун тазартат

Ырдаган учурда дем алуу жолдору тазаланат. Мурун, тамак оору ырчыларга көп коркунуч туудурбайт.

5. Ойлоо жөндөмүн жакшыртат

Ортонку нерв системасы менен мээңизге ырдоонун таасири көп. Башка өнөр түрлөрүнө караганда анын мээ менен байланышы өтө жакын. Ойлонуу жөндөмүн жакшыртып, өтө кооптуу орулардын бири – альцгеймерди да алдын алат.

Эгер сиз дагы өз хоббиңизди таба элек болсоңуз, ырдоо ийримине жазылыңыз. Же болбосо караокеге барып туруңуз. Ошондо сиз жогоруда айтылган оорулардан оолак, ден-соолугуңузду жакшы күткөн болосуз.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!