Смартфон колдонордо эске алыңыз!

Смартфон колдонордо эске алыңыз!
7-Июнь 2018, Бейшемби, 11:12

Омуртка организмдеги эң маанилүү дене мүчөсү. Ал борбордук мээни дене мүчөлөрү менен байланыштырып, организмдин кыймыл-аракетин иреттеп турат. Омуртка оорусу ХХІ кылымдын эң чоң маселелеринин бири болуп жатат.

Өзүбүздү туура алып жүрбөгөндүктөн, туура отурбагандыктан, башыбызды туура эмес ийген кезде омурткага ашыкча салмак түшөт. Ушунун кесепетинен түрдүү омуртка ооруларына чалдыгып калабыз.

Бүгүнкү күндө адамдардын дээрлик баардыгы 4 сааттай убактысын гаджеттерди пайдалануга жумшайт экен. Ушул абалды эске алып смартфонду колдонгондо омурткага зыян келтирбөөнүн бир нече жолун сунуштайбыз.

1.Гаджетке моюнду ийбей кароо керек. Болгону көзүңүз гана иштеп турсун. Смартфонду жогорурак көтөрүп колдонуңуз.

2. Смартфон пайдаланган кезде тез-тезден моюнду оң жана солго буруп, көнүгүү жасап туруңуз.

3. Моюн омурткаңызга массаж жасап туруунун зыяны жок.

4. Телефонду 10 мүнөттөн ашык пайдалансаңыз колуңузду алдыга, артка созуп машыгуу жасаңыз. Узак убакыт кыймылдабай калган кол булчуң эттерин бошоңдотот.

5. Ар дайым смартфонду туура колдонуу омуртка ооруларына чалдыкпоонун жолу экендигин эстен чыгарбаганыңыз абзел.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!