Баланын мурдунан суу куюлуу: аллергиябы же вирустук оорубу

Баланын мурдунан суу куюлуу: аллергиябы же вирустук оорубу
24-Сен. 2018, Дүйшөмбү, 12:02

Учурда жаш балдардын аллергия оорусуна туш болгондор абдан эле көп. Аллергиянын белгилери: Бала чүчкүрүп баштайт, мурдуларынын тегереги кызарат, кычышат жана мурдунан тынымсыз суу куюлат. Ар бир ата-эне аллергиябы же балага жөн эле суук тийип, шамалдагандын айырмасын айырмалай билүү керек.

Мисалы, бала шамалдап же ага жугуштуу оорууга (инфекция) кабылган учурда, баланын табы көтөрүлөт.

Ал эми аллергия болсо- анда баланын көзү кызарат, мурду кычышат жана ар бир чаңга же башка нерселерге туруштук бере албай калат.

Аллергияга түрткү болчу себептер:

-Үйдөгү жана сырттагы чаң

-Гүл өсүмдүктөрү

-Үй жаныбарларынын жүндөрү

-Жагымсыз жыттар

-Айрым тамак-аштар

Эгерде сиз балаңыздагы аллергиялык белгилерди байкасаңыз, дароо доктурга кайрылганыңыз жакшы. Ошондой эле бөлмөңүздү желдетип, бат-баттан тазалап туруңуз. Аллергияны чакырган тамак-аш түрлөрүнө тартип киргизип, балаңызды диетага отургузуңуз. Мисалы, бал, кызыл балык, деңиз тамак-аштары, кызыл балык ж.б.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!