Кышы-жайы бут тоңуп турса...

Кышы-жайы бут тоңуп турса...
27-Сен. 2018, Бейшемби, 12:36

"Кышы-жайы бутум таптакыр жылыбайт" деп айтып калган адамдар арабызда көп эле кездештирип келебиз. Бул эмненин белгиси? Бут эмнеге жылыбайт?

Буттун таштай тоңуп турушу- кан айланууга байланыштуу. Бул – биринчи себеби. Кан айлануу организмдеги температураны бир калптуу абалда кармайт. Буту-колуңуз жылыбаса, анда анемия, артерия тамырынын бир жери туюк же болбосо башка дагы бир маселе болушу мүмкүн. Бейкапар жүрө бербей, дарыгерге текшерилип, тийиштүү дарыларды кабыл алып, кеңеш алуу абзел. Себеби буттун ар дайым муздап, тоңуп жүрүшү ден-соолукта бир көйгөй бар экенин анык көрсөтүп турат.

Буттун тоңуп турушу гормондордун таасиринен болушу да мүмкүн. Изилдөөчүлөрдүн айтуусу боюнча, бул жагдай көбүнчө аялдарда кездешет экен. Себеби, назик жандуу аялдар сезимтал келишет эмеспи. Айланадагы ар бир өзгөрүштөргө даяр болбошу мүмкүн. Керек болсо аба температурасынын өзү да кан тамырлардын ичкеришине таасир берет. Айыз келгенде, көз жарганда гормондордун таасиринен кан айлануу системасы өзгөрүшү мүмкүн. Боорго зыян тийсе да бут тоңот. Себеби боор адам организминдеги энергиянын алмашуусуна катышат. Ошондуктан, буту-колуңуз жылыбай жүрсө, дарыгерге көрүүнү керек.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!