Стресс муун ооруларына алып келет

Стресс муун ооруларына алып келет
8-Дек. 2018, Ишемби, 10:34

Стресске учураган адамда артрит менен артроз сыяктуу муун оорулары көп кездешет дейт окумуштулар. “Frontiers in Public Health” илимий журналы жарыялаган макалада адистер стресстен улам пайда болгон оорулар тууралуу толук маалымат беришкен.

Окумуштуулар изилдөө жумуштарын медицинасы өтө жогору өнүккөн Швейцария өлкөсүндө жүргүзгөн. Ага жашы 15тен жогору 14 348 адам катышкан. Жалпысынан окумуштуулардын Швейцарияны тандоосу бекеринен эмес. Анткени, бул өлкөдө жыл сайын 400 миңден ашык адам стресске кабылат экен. Ал эми дүйнө боюнча, бул көрсөткүч 350 миллионду түзөт.

Бул изилдөө иштеринин жыйынтыгы көрсөткөндөй, стресстин кесепетинен муун оорулар, тактап айтканда артроз менен артритке алып келет. Анын себеби: адатта стресске спорт менен машыкпаган, кыймыл-аракетти аз адамдар учурашат. Ал эми алардын муундары биринчи болуп ооруга чалдыгат.

Артрит - көп учурда майып болуп калууга алып келген ар түрдүү ревматикалык оору менен аныкталган өнөкөт ооруу. Ал эми артроз - жеңил жаракат алгандан, физикалык күч көп тушкөндөн жана суук тийгенде пайда болгон оору түрү.

Адистердин айтуусу боюнча, бул ооруларды алдын алуу үчүн туура тамактанып, дени сак жашоо салтын кармануу керек. Суук тийүүдөн жана жаракат алып калуудан абай болуу зарыл.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!