Менингитти алдын алуу

Менингитти алдын алуу
31-Дек. 2018, Дүйшөмбү, 11:40

Вирустуу менингитти алдын алуу үчүн белгилүү бир эрежелерди кармануу кажет. Алдын алуу чаралары төмөндөгүдөй бешке бөлүнөт:

Биринчиден, бир жыл же андан да кичинекей балдар үчүн ичүүгө бөтөлкөдөгү же кайнатылган суу берген оң. Анткени сууда көптөгөн бактериялар менен вирустар болушу мүмкүн.

Экинчиден, туруп калган суу объектилеринде балдарды жуундурбаш керек: көлдөр, суу сактагычтар жана башка жерлер. Мындар жерлер – бактериялардын сүйүктүү мекени.

Үчүнчүдөн, азык-түлүккө көңүл буруңуз. Жер-жемиш менен мөмөлөрдү жештен мурун тазалап жууш керек. Эт жана балыкты жакшылап бышырыңыз.

Төртүнчүдөн, жеке гигиенаны сактоо маанилүү. Көчөдөн келгенде, дааратканадан кийин, аз дегенде, 20 секунд колуңузду самындап жууңуз. Балдардын колун дыкат карап жуудуруңуз.

Бешинчиден, өзүңүздүн жана балаңыздын иммунитетин күчөтүңүз. Витаминдерди кабыл алып, таза абада сейилдеңиз. Ошондой эле, тамактанууга көңүл бөлүңүз, ал коопсуз жана пайдалуу болсун.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!