Кара-Кулжанын тургундары медициналык кароодон өттү

Кара-Кулжанын тургундары медициналык кароодон өттү
27-Авг. 2019, Шейшемби, 11:02

Кара-Кулжанын тургундары Ош облусунун мобилдик клиникасынын адистери тарабынан уюштурулган бекер медициналык кароодон өттү. Бул тууралуу Саламаттык сактоо министрлигинин маалымат кызматы билдирди.

Маалыматка ылайык, клиниканын адистери Кара-Кулжа районундагы Ой-Тал, Капчыгай, Сары-Бээ, Кара-Таш жана Терек-Суу айылдарынын тургундарын медициналык кароодон өткөрүштү.

Анын ичинен терапевт 145 жаранды, акушер-гинеколог 96 аялды, ал эми 145 киши ультраүндүк аппарат менен изилдөөдөн өткөн.

Андан сырткары, тургундар ВИЧ/СПИД, гепатит өңдүү оорулар боюнча да тест тапшырышкан.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!