Витамин Днын жетишпестиги кандай ооруларды пайда кылат?

Витамин Днын жетишпестиги кандай ооруларды пайда кылат?
6-Сен. 2019, Жума, 10:36

Эксперттердин айтымында Түркияда он кишинин тогузунда витамин Днын жетишпестиги байкалат.

Адамдын организминде витамин Д жетишпегенде: “Ал адам бат чарчай берет, алсыз болот, бара-бара сөөк ооруларын пайда кылат, жаш өткөн сайын жүрөкө дагы таасир этип, жүрөк оорусун пайда кылат”.

Изилдөөлөр боюнча, бала өсүп жатканда жетиштүү Д витаминин албаса, анда келечекте аларда кан басымы жана диабет оорусуна эки эсе кабылуу коркунучу бар.

Витамин Д-күн нурунан алынып териде синтезделет. Ал витамин эмес, гормон сыяктуу. Ал эми кичине бөлүгүн биз тамак-аштан алабыз.

Адистердин айтымында: “Күнөстүү өлкөлөрдө да, жамгырлуу өлкөлөрдө да адамдарда витамин Днын жетишпестиги байкалат”.

Ал эми Түркияда болсо, он кишинин тогузунда витамин Днын жетишпестигин себеби, адамдар үстү жабык, күн тийбеген имараттарда эртеден кечке жумушта отургандыгына байланыштуу. Мисалга, жумушка күн тие электе барып, күн батканда кайра үйгө жөнөшөт.

Ал ортодо адистер витамин Дга каршы ашыкча дары-дармек колдонуу да зыян экендигин айтып келишет. Ошондуктан, организминде витмин Д жетишпегендер убагында дарыгерге кайрылып, керектүү дарыларды ичүү керек.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!