Антибиотиктер ашыкча салмакка алып келеби?

Антибиотиктер ашыкча салмакка алып келеби?
18-Дек. 2018, Шейшемби, 11:41

Окумуштуулар антибиотиктерди колдонуу адамдын салмагына таасир берет деген кортундуга келишти.

Бүгүнкү күндө окумуштуулар антибиотиктерди балдарга эрте жаштан баштап бере турган болсо алдыңкы убакта анын кесепетинен салмак кошорун далилдешти. Изилдөөдө антибиотиктер ичеги-карын жолдорундагы бактериялардын курамына терс таасир берип, организмдин өсүүсүн өзгөртөрү аныкталган.

Бул гипотезаны такташ үчүн Мартин Бласер баштаган микробиологдордун тобу жаңы туулган чычкандардын ичкен сууларына антибиотиктерди кошуп беришкен. Антибиотиктерди ичкен чычкандар менен күндө кара суу менен баккан чычкандарды 7 жума өткөндөн кийин салыштырганда алар салмак кошкондугу аныкталган.

Бирок, чычкандардын ичеги жолдорундагы бактериялардын саны ошол бойдон калган. Болгону алардын түзүлүшү гана өзгөргөн. Антибиотиктерди колдонуунун натыйжасында организмде каллорияны көбөйтүүчү “Firmicutes” тобундагы бактериялардын саны көбөйгөн.

Чычкандарга жасалган тажрыйба адамдарга кандай таасир этерин аныктоо максатына Бластер 1991-1992-жылдары Улуу Британияда төрөлгөн 11 миң баланы изилдеген. Төрөлгөндөн тартып антибиотик берилген балдардын салмагы кадимки балдардан 10, 20 жана 38 айлыгында салмактары оор болгон.

Бирок, Потсдамдын Тамактануу институтунун микробиологу Майкл Блаут бул изилдөөнүн натыйжасын ишенимсиздик менен карса, Стэндфорд университеттинин микробиологу Дэвид Релман эксперименттин жыйынтыгына толугу менен кошуларын жарыялады.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!