Миллиардерлер бир күндө 12 миллиард доллар жоготту

Миллиардерлер бир күндө 12 миллиард доллар жоготту
11-Апр. 2018, Шаршемби, 11:35

Россиялык ишкер Олег Дерипаска ээлик кылган “Руссал” компаниясынын акциялары АКШнын Россияга санкциялары көбөйөрү менен жарым-жартылай төмөндөдү.

“Forbes” журналынын маалыматына караганда Россиянын миллиардери бир күндө 12 миллиард долларын жоготкон.

Олег Дерипаска “Forbes” журналынын 2017-жылдагы рейтингинде бай ишкерлердин тизмесинде 23-сапка жазылган. Санкциялардын айынан “En+”, “Русал” жана башка компаниялар бир топ зыянга учурады.

“Русалдын” Гонконг биржасындагы акциялары 50 пайызга төмөндөп, ишкана 4,3 миллиард доллар жоготкон. Аталган ишкана алюминий өндүрүүнүн 7 пайызын колунда кармап турган.

АКШ Россияга каршы экономикалык санкцияларды өткөн аптада кеңейткен. Тизмеге 14 компания жана 17 адам кошумчаланган.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!