Түндүк Корея өзөктүк курал сынаган жайды жабат

Түндүк Корея өзөктүк курал сынаган жайды жабат
14-Май 2018, Дүйшөмбү, 15:14

Корея жарым аралына тынчтык орногон сыяктанат. Апрель айынын акырында Түштүк Кореяны лидери Мун Чжэ Ин менен тарыхый жолугушууга барган Түндүк Кореянын президенти Ким Чен Ын АКШны президенти Дональд Трамп менен жолугушар алдында өлкөсүнүн өзөктүк сыноо жайын 23-25-майда салтанаттуу түрдө жабарын билдирди.

Эки Кореянын өлкө башчылары 27-апрелдеги жолугушканда маанилүү иштер талкууланган. Эки мамлекеттин ортосунда убакыттар теңделип, аба жана темир жол каттамдарын ишке киргизүү жагы чечилген.

Ал Эми АКШнын Мамлекеттик катчысы Майк Помпео менен Ким Чен Ындын сүйлөшүүсүнөн кийин америкалык үч туткун бошотулган. Аларды өлкө башчысы Дональ Трамп жубайы менен аэропорттон тосуп алды.

Түндүк Кореяны өзөктүк куралдардан арылтып жатканына сыймыктанган Дональд Трамп Кимдин мамлекетин чыныгы дүйнөгө айландырарын белгиледи.

Туткундарды бошотуу АКШ-Түндүк Корея ортосундагы алкачкы конкреттүү кадам катары сыпатталууда. Эми АКШнын Мамлекеттик катчысы Майк Помпео өзөктүк куралдарды таштаса Түндүк Кореянын экономикасына жардам берилерин баса белгиледи.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!