Акшлыктар Израилге нааразылыктарын айтты

Акшлыктар Израилге нааразылыктарын айтты
6-Июнь 2018, Шаршемби, 13:08

Израилдин Газза чек арасындагы “Кайтуунун улуу жүрүшү” акциясына катышкан палестиналыктарга, журналист жана медицина кызмакерлерине карата кол салууларга каршы АКШнын Чикаго шаарында нааразылык митинги өттү.

Израилдин Вашингтондогу элчиси Рон Дермердин Чикагого иш-сапары учурунда башталган нааразычылык акциясына 100дөн ашык адам катышты.

Израилдин аймакта кылгандарын “геноцид” деп атаган катышуучулар Палестинанын желеги, шейит кеткен Газанын мед айымы Реззан эн-Нежжардын жана башка шейит кеткендердин сүрөттөрүн көтөрүп алышкан.

Түрдүү маданияттардан, аймактан чогулгандардынын көбүн Израиль тектүү америкалыктар, еврейлер түзүштү. “Палестинадагы оккупация аякташы керек”, “Иерусалимдин Израилдин борбору болушу кабыл алынгыс”, “Адилеттүлүк болмоюнча ыйык жерлерде тынчтык орнобойт”,-дегендей ураандар айтылды. Ошондой эле “Израилге бойкот”, “Палестина эгемен болушу керек”, “АКШ жана Израиль Иерусалимден колуңду тарт”,-деген жазуулар бар такталарды көтөрүп алышкан.

Митинг полициянын көзөмөлүндө тынч өттү.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!