Мөндүр талкалаган учактан жабыркагандар жок

Мөндүр талкалаган учактан жабыркагандар жок
6-Июнь 2018, Шаршемби, 18:20

“American Airlines” ишканасына таандык учак мөндүр аралаш бороонго кабылганда жүргүнчүлөр арасында баш аламандык башталган. Анда аба кемесинин тумшугу жана алдыңкы айнегинде жаракалар пайда болгон. Ага карабастан учкучтар учакты аман-эсен кондура алды.

Жекшембиде Сан Антонио шаарынан Финикс калаасына сапар алган “American Airlines” авиа компаниясына таандык учак мөндүр аралаш бороонго кабылып, термеле баштаган. Кооптонгон жүргүнчүлөрдүн айрымдары ыйласа, айрымдары бакыра башташкан.

“Airbus A319” тибиндеги учак алган зыяндарынан улам “Эль-Пасо” шаарына конууга аргасыз болгон. Жарака айнектерга карабастан учкучтар аба кемесин аман-эсен кондурушкан.

Алдыңкы айнектери көргөндөрдү таң калтырды. Аман калганына ишенбеген жүргүнчүлөр “Жашоомдогу эң кооптуу сапар болду. Сүрөттөрүн көргөндө дале титиреп жатабыз”,-дешкен.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!