Путин Түндүк Корея лидерин конокко чакырды

Путин Түндүк Корея лидерин конокко чакырды
7-Июнь 2018, Бейшемби, 13:18

Россиянын президенти Владимир Путин Түндүк Кореянын лидери Ким Чен Ынды сентябрь айында Владивосток шаарында өтө турган эл аралык экономика форумуна чакырды.

Чакыруу тууралуу өткөн аптада иш сапары менен барган Россиянын Тышкы иштер министри Сергей Лавровдон берилген катта жазылган.

Лавров 31-майда Ким Чен Ынга жолугуп, эки өлкөнүн ортосундагы мамилелерге, Корея жарым аралынын айланасындагы акыркы өнүгүүлөргө баа берген. Ошондой эле Россия жана Түндүк Кореянын ортосундагы дипломатиялык байланыштын 70 жылдыгын, бул арадагы кызматташтык талкууланган.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!