Путин түз эфирде 79 суроого жооп берди

Путин түз эфирде 79 суроого жооп берди
8-Июнь 2018, Жума, 15:58

Салтка айланган “Түз эфир” программасында элдин суроолоруна жооп берген Владимир Путин бул ирет жаңы рекорд койду. Лидер 4 саат 20 мүнөттө 79 суроого жооп берди. Өткөн жылы болгон программа 4 саатка созулуп, 70 суроого жооп болгон эле.

Путин: Жарандардын реалдуу кирешелери жогорулоодо

“Инфляциянын тарыхый жактан эң төмөнкү чекке жеткенин баса белгилеген Путин жарандарын реалдуу кирешелери туруктуу өсүшкө жеткенин айтты.

Путин: Бензиндин кымбаттаганы кабыл алынгыс

Көп берилген суроолордун бири Россияда бензиндин баасынын кымбаттаганына байланыштуу болду. “Бул кабыл алынгыс”,-деген Путин мындай көрүнүш айрым жаңылыш чечимдердин жыйынтыгы экенин айтты.

“Төртүнчү Дүйнөлүк согушта таяк жана таштар колдонулат”

Орус лидер суроолордо Үчүнчү дүйнөлүк согуш чыкса адамзаты жок болушу мүмкүн экенин эскертти.

Бул себептен согуштан алыс болуу зарылдыгын кошумчалаган Путин белгилүү физик Альберт Энштейндин сөзүн айтты. “Үчүнчү дүйнөлүк согушта эмне куралдар колдонуларын билбейм. Бирок төртүнчү дүйнөлүк согушта таяк жана таштар колдонулат”,-деди.

Түз эфирде тыңчы Скрипалга, санкциялар, АКШдагы президенттик шайлоого кийлигишүү, Сирия, Телеграммга байланыштуу бир топ суроолорго жооп берди.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!