Аялдар басымдуулук кылган өкмөт ишке кирди

Аялдар басымдуулук кылган өкмөт ишке кирди
8-Июнь 2018, Жума, 17:30

Испанияда Социалист партиянын лидери Педро Санчестин кабинетиндеги 17 министрдин 11и аял. Өлкө бул жагынан Европада рекорд койду. Мүчөлөрү король Фелипптин макулдугунан кийин ант берип, кызматына киришти.

350 мүчөсү бар Испания парламентинде Социалист партиянын 84 депутаты бар.

Өзүн феминист катары тааныткан Педро Санчес экс-премьер-министр Мариано Рахойдун эркектер басымдуу кылган кабинетинен айырмаланып аял министрлер менен иштешүүнү чечти.

Аял министрлерге коргонуу, экономика, каржы жана билим берүү сыяктуу башкы милдеттер тапшырылды.

Педро Санчес кабинети жаңычыл жана Европачыл, алдыга жылган коомчулукту жактырган адамдардан түзүлгөндүгүн айтты.

Ошондой эле жаңы кабинет 8-мартта Испанияда келип чыккан өзгөрүүнү чагылдырылышы экендигин белгиледи.

Белгилей кетсек, Испанияда 8-мартта 5 миллион адам маянадагы теңсиздикти жана кыйынчылыкка нааразылыгын билдирүү үчүн иш таштоо кылышкан. Санчес бул аракет Испания коомчулугунда өзгөрүүнүн чеги экенин баса белгиледи.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!