“АКШ мигранттарга лагерь эмес”

“АКШ мигранттарга лагерь эмес”
19-Июнь 2018, Шейшемби, 14:15

“АКШ мигранттар үчүн лагер же качкындарды камсыздоочу борбор болбойт! Карагыла, Европа жана башка аймактарда эмне болуп жатат. АКШда да ошондой болуусуна жол бербейбиз. Мен президент болуп турганда мындай болбойт”,-деген Дональд Трамптын сөздөрү Бириккен улуттар уюмунда (БУУ) сынга алынды.

Биринчи кезекте БУУ Америка бийлигинин жаңы саясаттары балдарды ата-энелеринен алыстатаарынан тынчсызданууда.

БУУнун башкы катчысынын өкүлү Стефан Дюжаррик “Баш катчы качкындарга жана мигранттарга жакшы, сый жана эл аралык мыйзамдарга ылайык мамиле кыларынан үмүттөнөт. Балдарды ата-энелеринен бөлүп, көңүлдөрүн калтыруунун кереги жок”,-деди.

АКШнын түштүгүндөгү башкалоочу жайда бир жарым миң мигрант балдар жашайт. Бул жай Мексика менен чектешкен аймакта жайгашкан. Көпчүлүгү АКШнын мыйзамсыз мигранттарга карата саясаты башталгандан кийин ата-энелеринен айрылган.

Белгилей кетсек, апрель айынын башында АКШнын президенти миграция саясатын катаалдаткан. Ага байланыштуу өткөн айда өлкөнүн түштүк чек арасын мыйзамсыз кесип өтүүнү каалаган 50 миң адам кармалган. Жаңы саясатка ылайык кармалгандардын чоңдору абакка, балдары атайын баш калкалоочу жайларга жиберилет.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!