Калифорниянын тургундары өрт торнадасынан качууда (видео)

Калифорниянын тургундары өрт торнадасынан качууда (видео)
31-Июль 2018, Шейшемби, 15:02

Калифорниянын Түндүк тарабында чыккан өрттөн улам алты киши өлүп, жетөөнүн дайыны жок болууда. Эки өрт өчүрүү кызматкери көз жумду. Кырк миңге жакын тургундар үйлөрүн таштап, коопсуз жайга көчүрүлдү. Шаста тоосуна жакын аймакта “өрт торнадасы” дарактарды кулатып, унааларды аңтарып жатканын өрт коопсуздугу кызматынын башчысы билдирди.

Өрт кырсыгынан улам, 500 имарат бузулуп, дагы курулуп жаткан миңге жакын объект кулоо коркунучунда. Өрт өчүрүүчүлөр жалындын болгону 5 пайызын гана өчүргөнгө жетишишти.


Өрттү өчүрүү үчүн 3 миң 400 өрт коопсуздугу жумуш алып барууда. Кургак аба ырайы дагы бир жумага созулаары айтылып жатат. Ошол себептен, кырдаал мындан да курчушу мүмкүн.

Учурда Калифорнияда өзгөчө кырдаал жарыяланды.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!