Президенттин уулу эмнени мойнуна алды?

Президенттин уулу эмнени мойнуна алды?
6-Авг. 2018, Дүйшөмбү, 15:41

АКШнын президенти Дональд Трамп улуу баласы кенже Дональд Трамп Кремлге байланыштуу орус адвокаты Наталья Весельницкая менен 2016-жылдын июль айында президенттикке талапкер Хиллари Клинтон тууралуу маалымат алуу үчүн жолугушканын мойнуна алды.

Президент Трамп сүйлөшүү мыйзамдуу болгонун, анын бул боюнча кабары болбогонун айтты. “Twitter” тармагы аркылуу айткандарында уулу тууралуу чыккан маалыматтар жасалма экенин кошумчалады.

Трамп жана орус адвокат көп ирет сүйлөшкөн
“The New York Times” гезити кенже Трамп менен адвокат Наталья Весельницкая 2016-жылдын 8-июлунда жолугушканын жазды. Президенттин уулунун айтымында адвокат менен жолугушуу таанышуу максатында болгон. “Tramp Tower” борборунда өткөн сүйлөшүүгө президенттин күйөө баласы Жаред Кушнер жана Трамптын 2016-жылдагы шайлоо өнөктүгүн жетектеген Паул Манафорт катышканы белгиленген.
Кенже Трамп сүйлөшүүлөр шайлоого эмес, Россия-АКШ ортосундагы бала багуу программасына байланыштуу экендигин билдирген.
Айтылгандарга караганда адвокат Наталья Весельницкая менен Кенже Дональд Трамптын сүйлөшүүлөрүндө Хиллари Клинтон туурасында маалыматтар болгону баса белгиленген.

Эскерте кетсек, прокурор Роберт Мюллер орустардын Трамптын президенттик шайлоодо утушуна аракет кылганы тууралуу болжолдорду иликтөөсүн улантууда.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!