Стивен Сигал Орусиянын атайын өкүлү болду

Стивен Сигал Орусиянын атайын өкүлү болду
6-Авг. 2018, Дүйшөмбү, 16:48

Путиндин колунан Россиянын жарандыгын алган америкалык актер Стивен Сигал аталган өлкөнүн Тышкы иштер министрлигинде Москва мене Вашингтондун ортосундагы гуманитардык байланыштар боюнча жооптуу өкүлү болуп дайындалды. “Facebook” тармагында жарыяланган билдирүүдө аталган министрлик Сигалдын негизги милдети Россия менен АКШнын гуманитардык тармак боюнча мамилелерин өнүктүрүүгө салым кошуу экенин белгиледи.

Анда “Эл аралык стандарттарда бул милдет Бириккен улуттар уюмунун (БУУ) элчилеринин кызматы менен барабар”,-деп жазылган.

Сенатор Константин Косачев Сигалдын Россиянын Тышкы иштер министрлигине атайын өкүл болуп дайындалышы стандарттан тышкары экенин айтты.

“АКШнын эки тараптуу мамилелерди бузуу үчүн бардыгын жасап жатканы ансыз да стандартка дал келбейт. Мындай учурда Россия эки өлкө ортосундагы мамилелерди чечилгис абалга жеткенче болгон мүмкүнчүлүктөрүн пайдаланып оңдоо аракетинде”,-деди.

Ошондой эле орус сенатор мындай учурда белгилүү актер жана гуманист адамды дайындоо толугу менен мыйзамдуу экенин кошумчалады. Кийинки иштер өзүнө жана өзү сыяктуу адамдарга байланыштуу. Мындай элчилердин көбөйгөнү АКШ жана Россия үчүн пайдалуу экенин айтты.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!