Сегиз учак шашылыш конду

Сегиз учак шашылыш конду
17-Авг. 2018, Жума, 13:14

Аргентинада бомба жайгашканы тууралуу билдирүүдөн улам сегиз учак шашылыш конгонун Чилинин “Bio Bio” радиостанциясы кабарлады.

Жарандык авиация башкы башкармалыгына 11 учакка бомба коюлганы тууралуу маалымат түшкөн. Экөөнү текшерген учурда бул кабар жалган экени аныкталды. Дагы бирөө текшерүүгө жөнөтүлдү. Ал эми кароодон өткөн айрым аба кемелеринен жардыруучу түзүмдөр табылган эмес.
Айрым учактар Түштүк Американын “LATAM” авиакомпаниясына таандык. Башкалары Чилинин “Sky Airlines” ишканасына тиешелүү. Экөө Чили аймагындагы ички катамдарды ишке ашырса, бирөөсү Сантьягодон (Чили) Лимага (Перу) сапар алган. Дагы бири Сантьягодон Буэнос-Айреске, башкасы Аргентинанын Мендос провинциясынан Сантьягого бара жаткандар.
Полиция окуя боюнча териштирүү иштерин баштады.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!