Америкада жыйын дуба менен башталды

Америкада жыйын дуба менен башталды
17-Авг. 2018, Жума, 15:07

АКШнын президенти Дональд Трамптын Ак сарайда министрлер кабинетинин жыйыны Тышкы иштер министри Майк Помпеонун дубасы менен башталганы көпчүлүктүн көңүлүн бурду.

Трамп министрлер менен учурашып, жыйынга келгенине ыраазычылыгын билдиргенден кийин “Жыйынды Помпеонун дубасы менен баштайбыз”,-деп сөздү Тышкы иштер министрине берди.

Ал эми Помпео аскерде жүргөндө көп айтып жүрчү дубаны окуп, жыйынды баштоону каалагандыгын белгиледи.

"Эй Теңир баба, чын дилге жана чындыкка жакындоого жардам бер”,-деген сөздөрү менен баштаган дубасында “Жакшылыкта жана таза ойлордо бийлигибиздин күчүн көбөйт”,-деген сөздөрдү таң калтырды.

Майк Помпеонун бир мүнөткө созулган дубасынан кийин кабинет мүчөлөрү Трампка иштери тууралуу кыскачы маалымдашты.

АКШнын президенти Трамп диндар катары белгилүү эмес. Бирок вице-президент Майк Пенс баштаган айрым министрлер диний ритуалдарды медианын алдында жасагандары коомчулукту таң калтырды.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!