Ажылык акыркы технологиялар менен чагылдырылат

Ажылык акыркы технологиялар менен чагылдырылат
17-Авг. 2018, Жума, 17:31

Сауд Арабиянын Маалымат министри Авад бен Салех аль-Авад бул жылы өлкө ичинен жана сырттан журналисттерди кабыл алуу үчүн Мекке, Мина, Арафат жана Мүзделифеде медиа борборлору түзүлгөнүн айтты.

Ажылык ибадаттардын жүрүшүн чагылдыра турган маалымат каражаттарынын өкүлдөрүн тосуп алууга даярдыктар менен таанышууга барган министр медиа борборлору журналисттерге зарыл бардык техникалык мүмкүнчүлүктөр менен камсыздалганын билдирди.

Анын айтымында Сауд Арабия бул жылы ажылык мезгили үчүн сырттан 800дөн ашык журналист чакырган. 6 мамлекеттик радио менен 10 эл аралык радио 10 тилде программалар жана кабарларды берип турат. 16 санариптик канал 6 тилде 24 саат түз эфирден берүүлөрдү көрсөтөт.

Ажылык ыйык парздардын бири экенин айткан Авад бен Салех аль-Авад Сауд Арабиянын ажылыкты саясатташтырууга каршы экенин, бардык мусулмандарды өлкөсүндө тосуп алууга дайыма даяр экенин кошумчалады.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!