Армиядан калууну аргасы ашыкча салмак

Армиядан калууну аргасы ашыкча салмак
14-Сен. 2018, Жума, 12:09

Түштүк Кореядан 12 музыкант студент сабакта калориялуу тамактардын рецептерин мессенджер аркылуу бөлүшүп жатканда кармалган. Ага өлкө бийлиги армияда кызмат өтөөдөн качуу катары баа берүүдө.

Белгилей кетсек, Түштүк Корея эмдигиче юридикалык жактан түндүктөгү коңшусу менен согушкан абалда. Андан улам сөзсүз түрдө армияга чакырык болот. Мекени үчүн 18ден 35 жашка чейинки жарандар бир жарым жыл милдет өтөөгө тийиш.

Уландардын армияга жарактуулугун атайын комиссия аныктайт. Алар боюн, көзүнүн көрүүсүн, билимин жана салмагын эске алат. Өтө толуктарды армияга албастан альтернативдик жарандык кызматта калтырат.
Эми түштүк кореялык уландарга кылмыш иши козголушу мүмкүн.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!