Көз жумган кызга iPhone түрүндө эстелик коюлду

Көз жумган кызга iPhone түрүндө эстелик коюлду
26-Сен. 2018, Шаршемби, 14:19

Россиянын Уфа шаарынын түштүк көрүстөнүндө 28 жашында көз жумган Рита Раисовнага өзү жакшы көргөн iPhone 6 үлгүсүндөгү телефон түрүндө эстелик коюлду.

Кара граниттен даярдалган эстеликтин экран бөлүгүндө маркумдун сүрөтү, туулган жана көз жумган күндөрү жазылган.

Эстеликте акылдуу телефонго таандык үнү жөнгө салуучу баскычтар, арткы камера, Apple логотиби камтылган.

Кыздын үй-бүлөсү тууралуу маалыматтар айтыла элек. Бирок телефон түрүндөгү ташты даярдоого 1 миң 800 доллардан ашык каражат жумшалганы белгилүү болду.

Россияда бул сыяктуу адаттан тыш эстелик таштары Новосибирск аймагында бар экени болжолдонууда.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!