Ит терапиясы бейтаптарды айыктырууда

Ит терапиясы бейтаптарды айыктырууда
3-Окт. 2018, Шаршемби, 14:38

Италиянын Флоранса шаарындагы ооруканада бейтаптарды дарылоодо "терапия адиси” делген иттер жардамга келүүдө.

“Careggi” ооруканасында комадан чыккан абалы олуттуу бейтаптарга жаныбарлар аркылуу терапия кылуу үч жылдан бери уланып келет.

Нувола жана Данте аттуу 2 голден-ретривер, Зойс аттуу лабрад, Каос аттуу кавалер-кинг жана Тереса аттуу кокер породасындагы иттер кызмат кылат.

Бешөө тең атайын даярдыктан өткөн жана бейтаптар менен убакыт өткөрөт.

Бул ишке киришердин алдында дезинфекциядан өтүп, дарыгер жана физиотерапевттердин коштоосунда жүргүзүлөт.

Бейтап иттерди сылап, ойнойт

Дарыгерлер айыгууга салым кошуп жатканын айтып, үч айлык тажрыйба тууралуу эки илимий макала даярдаганы турат.

Жакындарынан жакшы

Доктор Мануэла Бониззоли “Бул иттерди жакшы көрөбүз. Ооруканага кирип келе жатканда кадимки кесиптешибиз келе жаткандай сезилет”-деген.

Ошондой ле бул долбоордун максаты оорулардын көңүлүн ачуу эле эмес экенин кошумчалады.

“Буга көңүл ачуу десек туура келбейт. Бейтаптар иттердин келерин күтүшөт. Бул жаныбарлар ооруп жаткандардын үй-бүлө мүчөлөрүнө караганда пайдалуу. Суроо беришпейт жана көздөрүнөн тынчсыздануулар байкалбайт”-деген.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!