Аарыларды ууландырган багбан эркинен ажырады

Аарыларды ууландырган багбан эркинен ажырады
8-Окт. 2018, Дүйшөмбү, 15:40

Австриянын Клагенфурт шаардык соту жергиликтүү бакчачыны аарылардын 50 колониясын жок кылганы үчүн бир жыл абак жазасын берип, 20 миң евро айып пул салды.

Жемиш плантациясынын 47 жаштагы ээси гүлдөп турган бактарына хлорпирифос пестицидин чачкан. Андан улам бул аймактагы балчылардын аарысы жок болгон.

Сот өкүм чыгарарда дасыккан багбан экенин эске алган. Ошондой эле аарыларга, анын балын жеген адамдарга дарынын таасирин жакшы билиши керектигин баса белгилеген.

Багбан өкүм боюнча арызданарын айтты.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!