Саммит үчүн 40 кымбат унаа алынды

Саммит үчүн 40 кымбат унаа алынды
12-Окт. 2018, Жума, 16:32

Азия Тынч океан экономикалык кызматташтык (APEC) саммитине кожоюндук кыла турган Папуа — Жаңы Гвинеяда (PNG) иш-чарага катыша турган дүйнө лидерлерине Италиядан 40 даана Maserati үлгүсүндөгү унаалар сатылып алынганы өлкөдө каршы пикирлерди жаратты.

Австралиянын маалымат каражаттарында жарыяланган кабарларга ылайык саммит 17-18-ноябрда өтөт. APEC жыйынына келген лидерлер үчүн пайдаланылгандан кийин жумшалган каражатты толуктоо максатында кайрадан сатылары белгиленген. Антсе да өлкө эли кыйын абалда жашап жатканда буга түшүнүп болбой турганы тууралуу кептер социалдык тармактарда кызуу талкууланууда.

APEC боюнча башкы өкүл Жастин Ткаченко “Бардык чыгымдар акталат. Мамлекетке эч кандай кыйынчылык жаратпайт”,-деди.

Баалары тууралуу айтылбаганы менен Maserati үлгүсүндөгү унаалар Австралияда 209-345 миң Австралия долларына (148-245 миң АКШ доллары) сатылып алынганы болжолдонууда.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!