Велосипеддин эстелиги орнотулат

Велосипеддин эстелиги орнотулат
29-Окт. 2018, Дүйшөмбү, 10:12

Түркмөнстандын президенти Гурбангулы Бердымухамедов Велосипед күнүнө карата орнотула турган монументтин дизайнын бекитти. Эстелик Ашхабаддын Чандыбил жана Бекреве көчөлөрүнүн кесилишине тургузулат.

Маалыматка караганда, президент монумент «адамзат тарыхындагы түркмөн элинин ролун көрсөтчү айланып турган Жер шары түрүндө» болушу керектигин белгиледи.

Акыркы бир нече жылдан бери Түркмөнстанда президенттин жана өкмөт мүчөлөрүнүн катышуусундагы жапырт веложүрүштөр системалык мүнөзгө ээ болду. Аларга мамлекеттик кызматкерлер, студенттер жана окуучулар тартылып, өз акчаларына велосипед жана спорттук кийимдерди сатып алууга милдеттендирилет.

Быйыл Түркмөнстанда биринчи жолу мамлекеттик деңгээлде Велосипед күнү белгиленди. Ал иш-чаранын жүрүшүндө президент Гурбангулы Бердымухамедов Ашхабаддын борборуна велосипеддин эстелигин орнотууну демилгелеген.

Анда өлкө башчы өзү катышкан массалык веложүрүш дүйнөлүк рекорд орнотуп, «Велосипед спортунун эң массалык сабагы» катары Гиннестин рекорддор китебине киргизилген.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!