АКШ Мексика менен чек арасына 8 миң аскер жайгаштырат

АКШ Мексика менен чек арасына 8 миң аскер жайгаштырат
30-Окт. 2018, Шейшемби, 09:11

Пентагон америка-мексика чек арасынын түштүк-батыш тилкесине беш миң аскер кызматкерин жайгаштырууга даярданууда. Бул чечим АКШны көздөй келе жаткан миңдеген качкындардын жакындашына байланыштуу.

Буга чейин Пентагон чек арага 800 жоокер жайгашарын кабарлаган. Wall Street Journal гезитинин маалыматына караганда, беш миң аскер – чек ара көзөмөл-өткөрмө бекеттеринде иштеген америкалык бардык бажы кызматкерлеринин үчтөн бир бөлүгүнө барабар.

АКШ Коргоо министрлиги жыл башында Мексика менен чектеш райондорго Улуттук гвардиянын эки миңге жакын жоокерин жөнөткөн.

Мексика аймагы аркылуу Америка чек арасын карай келе жаткан качкындардын кербени АКШ басылмаларынын көңүлүн өзгөчө бурууда. Мигранттар Мексика менен чектеш мамлекеттерде тыным алышты. Мексика өкмөтү жер которгондордун бир бөлүгүн иш менен камсыздап, убактылуу башпаанек берүү боюнча программа жарыялады. Америка өкүлдөрү да өтө зарыл болгон учурда айрым мигранттарга башкалка берилерин четке кагышкан жок. Бирок Мексика жана Америка бийлиги АКШда жашагысы келген бардык качкындардын тилегин орундатары күмөндүү.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!