Кыйраган учакта 24 кишинин денеси табылды

Кыйраган учакта 24 кишинин денеси табылды
30-Окт. 2018, Шейшемби, 12:01

Көтөрүлгөндөн бир аз өтпөй деңизге кыйраган Индонезиянын Lion авикомпаниясына таандык JT 610 номериндеги жүргүнчү учагынан 24 адамдын жансыз денеси чыгарылды. Издөө куткаруу иштеринен жыйынтыгында табылгандар Жакартадагы полиция ооруканасына алынып келинди.

Алардын аты жөнүн тактоо үчүн жакындары делген 132 үй-бүлөдөн маалыматтар алынды.

Lion авиакомпаниясынын жетекчилери кыйраган учакты 31 жаштагы индиядык стажер Вхавие Синея башкарып бара жатканын белгилеп, италиялык жана индиялык эки чет элдик жүргүнчү бар экенин билдирди.

Lion авикомпаниясына таандык Boeing 737 MAX 8 тибиндеги учак 29-октябрда Жакартадан Суматра аралындагы Пангкал Пинанга чыгып, көтөрүлгөндө 13 мүнөттөн кийин байланыш үзүлгөн.

Индонезияда 2014-жылы AirAsia авиакомпаниясына таандык жүргүнчү учагы Сурабая шаарынан Сингапурга бара жатканда Батыш Калимантан жээктеринде деңизге кыйраган. Окуяда 162 адам көз жумган.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!