Венеция сууда калды

Венеция сууда калды
31-Окт. 2018, Шаршемби, 11:45

Аталган шаарда суунун деңгээли 156 сантиметрге көтөрүлгөн. Андан улам көптөгөн тарыхый жайлар жабылды. Бирок аба ырайынын катаал шарты туристтерди коркута алган жок.

Нөшөрлөгөн жамгырдан улам Венецияда суунун деңгээли тездик менен көтөрүлдү. Андан улам шаардын толугу менен суу катады. Жаратылыш кырсыгы шаар аймагынын 75 пайызынан таасир этти. Бийлик Ыйык Марк аянтын жабууга аргасыз болду.

Шаар бийлиги түрдүү чараларды көрүп жатат. Бирок аба ырайы өзгөрбөсө 1966-жылы суунун деңгээли 2 метрге жеткен абал кайталанарынан кооптонушууда.

Жаратылыш кырсыгы шаар тургундарынын жана коноктордун маанайын түшүрө алган жок. Көчөлөрдү туристтер резина өтүктөр менен кыдырышууда.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!