Окуучуларды Apple заводуна жумшап жатышат

Окуучуларды Apple заводуна жумшап жатышат
1-Ноя. 2018, Бейшемби, 14:43

Apple өкүлдөрү Кытайдын Чунцин шаарындагы мектеп окуучулары Apple Watch өндүргөн фабрикага тажрыйбадан өтүү үчүн жиберилгенин иликтөөгө алышты. Мындай маалыматты аталган ишканага адам укуктарын коргогон Sacom уюму кабарлаган.

Укук коргоочуларга жогорку класстын 28 окуучусу Apple заводунда тажрыйбадан өтүү үчүн иштөөгө жибергенин айтып, арызданган. Алар фабриканын жумушчуларынан айырмалуу шартта, түнкүсүн жумушка чыгарылып жатканын билдиришкен. Айрымдары жумасына алты күн иштегенин, 11 окуучу иштен баш тартса диплом берилбей турганын белгилеген. Сурак бергендердин дагы бирөө 120 бала Apple фабрикасында эмгектенип жатканын айткан.

Sacom уюму тайвандык Apple Quanta Computer ишканасы окуучуларды мыйзамсыз жалдаганын, алардын ишинин окууга эч кандай тиешеси жоктугун тастыктаган.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!