Дүйнө лидерлери элин канчага чейин башкарат?

Дүйнө лидерлери элин канчага чейин башкарат?
2-Ноя. 2018, Жума, 11:24

Bloomberg компаниясы дүйнө лидерлери бийликте канча каларына байланыштуу анализ чыгарды. Божомолдордо саясаттагы абал, өзгөрүүлөр эске алынды.

Анда Ангела Меркель жана Тереза Мэй беш жылдан кийин саясий аренадан кетери жазылса, Түркиянын президенти Режеп Тайип Эрдоган менен Кытайдын лидери Си Цзиньпин өлкөсүн көпкө башкарары жазылган.

Bloomber компаниясынын Дүйнө лидерлеринин саясаттагы абалын изилдөө бөлүмүнүн маалыматына ылайык Франциянын лидери Эмануэль Макрон жана Сауд Арабиянын мураскер принци Мухаммед ибн Салман алты ай аралыгында саясаттан кетиши мүмкүн.
АКШнын президенти Дональд Трамп 2024-жылга чейин чыдаары болжолдонуп, кайра шайланууга мүмкүнчүлүгү болору болжолдонгон.

Келерки жылы шайлоого бара турган Түштүк Африканын президенти Сирил Рамафоса жана Аргентинанын лидери Маурисио Макринин абалы кыйын. Май айына чейин Brexit макулдашуусуна жетишүүгө аракет кылган Тереза Мэй да түрдүү кептерге кабылууда. Ал эми Япониянын пермьер-министри Шинзо Абэ 2021-жылы кызматын тапшырып бериши күтүлөт.

Анализдерге ылайык Израилдин премьер-министри Биньямин Нетаньяхунун орду акыры абак болору болжолдонгон. Бирок дагы бир мөөнөткө иштеши мүмкүн экени жазылды.

79 жаштагы Ирандын руханий лидери Али Хаменеи өмүрүнүн акырына чейин бийликте калчудай көрүнөт.

Маалыматка ылайык Түркиянын президенти Режеп Тайип Эрдоган 2024 же 2028-жылга чейин бийликте болушу мүмкүн. Анализде Россиянын президенти Владимир Путиндин мөөнөтүн чектелип, 2024-жылы бийликтен кетери болжолдонгон.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!