Жүргүнчүгө ачууланган айдоочу автобусту көпүрөдөн кулатты

Жүргүнчүгө ачууланган айдоочу автобусту көпүрөдөн кулатты
3-Ноя. 2018, Ишемби, 12:56

Кытайдын түштүк-батышындагы Чонгчинг шаарында өз тилкесинде кетип бара жаткан автобус капысынан каршы тилкеге чыккан. Анда келе жаткан унааны сүзүп, тосмолорду ашып төмөнгө кулаган.

Кырсыкка жүргүнчү менен болгон урушу себеп болгону камерага түшкөн. Өзү каалаган аялдамадан токтотпогонуна ачууланган жүргүнчү айдоочуну телефон менен чапкан. Ага каршылык көрсөткөн адам абалды көзөмөлдөн чыгарып, рулду тосмолорду көздөй бурган. Жыйынтыгында автобус 50 метр бийиктеги көпүрөдөн Янцзы дарыясына кулаган.

Кырсыкта 13 адам көз жумса, экөө дайынсыз. Автобустун калдыгы 71 метр тереңдиктен чыгарылды. Полициянын айтымында жаңжалды 48 жаштагы аял баштаган.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!
КӨП ОКУЛГАНДАР