Канада үч жылда 1,8 миллион эмгек мигранттарын кабыл алат

Канада үч жылда 1,8 миллион эмгек мигранттарын кабыл алат
5-Дек. 2018, Шаршемби, 16:28

Бүгүн Канаданын Либералдык партиясы эмгек мигранттары боюнча жаңы программаны сунуш кылды. Анда акыркы үч жыл аралыгында 1,8 миллион эмгек мигранты кабыл алына тургандыгы айтылды. 2018-жылы Канадага келген качкындардын саны 310 миңди түзгөн. Ушул эле көрсөткүч 2019-жылы 330 миңге көбөйө тургандыгы айтылууда. Ал эми 2020-жылы 340 миңге чейин бармакчы.

Өлкөнүн миграция министири Ахмед Хусен: “2020-жылы мигранттар калктын 1 пайызын түзмөкчү”,-деп билдирди. Ошондой эле ал “Либералдардын миграция боюнча жаңы программасы максаттуу экендигин" белгилеп өттү. "Бул Канаданын тарыхында калат. Алар Канада коомчулугунунда абдан маанилүү ролду ойнойт”,-дейт Хусейн.

“2035-жылы беш миллионго жакын канадалыктар пенсияга чыгат. Ошондон тарта, аларды колдоого бизге адамдар жетишпей калат. Муну менен бирге эмгек мигранттарынын өлкөдө жаңы инновацияларга стимул берип, биздин экономикабызды бекемдөөдө”,- деп белгилеп өттү министр.

Канада бийлиги учурда алардын документтеринин үстүндө кызуу иштеп жана активдүү мигранттарга Канада жарандыгын алуу мүмкүнчүлүгү жогору экендигин айтып өттү. Буга катар алардын саны 2021-жылы 450 миңди түзмөкчү.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!